មក​ដឹង​រឿង​ក្រពុល​មុខ​ផ្ទួនៗ​របស់ Angelina Jolieត្រឹម​៦​ខែ​ចុង​ក្រោយ​នេះ​

កើត​ជា​មនុស្ស​រមែង​ជួប​​ទុក្ខ​និង​រីករាយ​ មិន​ថា​​អ្នក​ស្ថិត​ក្នុង​ឋានៈ​កម្រិត​ណា​នោះ​ទេ។ និយាយ​ដល់​បញ្ហា​នេះ​ក្រឡេក​ទៅ​មើល​តារ​ហូលីវូដ Angelina Jolie បាន​ជួប​រឿង​វិល​មុខ​ឈឺ​ក្បាល​ ព្រោះ​តែ​បញ្ហា​​ផ្ទាល់​ខ្លួន​និង​គ្រួសារ។ តាម​ដាន​ខាង​ក្រោម​ត្រឹម​៦​ខែ​ចុងក្រោយ​នេះ Angelina ជួប​រឿង​អ្វី​ខ្លោះ?

១.

នៅ​ខែ កញ្ញា​ ឆ្នាំ ២០១៦ Angelina Jolie បាន​ដាក់​ពាក្យ​សុំ​លែងលះ​ស្វាមី​ Brad Pitt  ធ្វើ​ឲ្យ​ពិភពលោក​ភ្ញាក់ផ្អើល​ស្មាន​មិន​ដល់។ ដំបូង​ឡើង​គ្រា​មិន​ទាន់​បញ្ជាក់​ពី​ហេតុផល​នៃ​ការ​លែងលះ​ ប្រភព​ជិត​ស្និទ្ធ​បាន​លួច​បង្ហើប​ថា បញ្ហា​រកាំរកូស​កើត​ឡើង​ដោយសារ​ការ​ចិញ្ចឹម​កូន​ទាំង ៦នាក់ និង​ Angelina Jolie មិន​សប្បាយ​ចិត្ត​ចំពោះ​វិធី​គ្រប់​គ្រង​កូន​របស់ Brad Pitt។ លើស​ពី​នេះ ​តារា​សម្ដែង​រូប​សង្ហា​នោះ​ថែម​ទាំង​ឆេវឆាវ ផឹក​ស្រា ប្រើ​ប្រាស់​គ្រឿង​ញៀន​ទៀត​ផង។ តែ​ក្នុង​នៅ​ក្នុង​ពាក្យ​បណ្ដឹងa Jolie បាន​បញ្ជាក់​គោលបំណង​នៃ​ការ​​លែងលះ​ថា​ដើម្បី "សុខភាព​គ្រួសារ​ទាំង​មូល" រួម​ទាំង​មូលហេតុ​សំខាន់​គឺ "គំនិត​ខ្វែង​គ្នា​​មិន​អាច​ផ្សះផ្សា​បាន"។

២.

ពីរ​ខែ​បន្ទាប់​ពោល​ខែ វិច្ឆិកា​ទស្សនាវដ្ដី​ New Idea ​បាន​ចុះ​ផ្សាយ​ថា ម្ដាយ​បង្កើត​របស់​កុមារា Pax Thien ​ដែល​ជា​កូន​ប្រុស​ចិញ្ចឹម​របស់​តារា​ហូលីវូដ Angelina Jolie និង Pitt សុំ​ពី​ប្រទេស​វៀតណាម​ ចង់​បាន​កូន​ប្រុស​ខ្លួន​ត្រលប់​ទៅ​វិញ។ ចាត់​ទុក​ជា​រឿង​ឈឺ​ក្បាល​មួយ​ព្រោះ​​ ក្រោយ​លែងលះ Angelinaនិង Bradសុទ្ធ​តែ​ចង់​បាន​សិទ្ធិ​ចិញ្ចឹម​កូន​រៀង​ខ្លួន ខណៈ​មាន​ព័ត៌មាន​បែប​នេះ​ទៀត​​កាន់​តែ​ធ្វើ​ឲ្យ​អ្នក​ស្រី​​មិន​សប្បាយ​ចិត្ត​។ ទោះ​ជា​យ៉ាង​ណា​តួ​ស្រី​ក្នុង​រឿង "Maleficent” មិន​បាន​តបត​នឹង​ព័ត៌មាន​នេះ​ទេ។

៣.

រំលង​មិន​បាន​ប៉ុន្មាន​​នៅ​ផង​រឿង​ស្រដៀង​គ្នា​ក៏​បាន​កើត​ឡើង​នៅ​​ខែ មករា ឆ្នាំ ២០១៧ ម្ដាយ​បង្កើត​របស់ Zahara ដែល​ជា​កូន​ស្រី​ចិញ្ចឹម​របស់​តារា​ហូលីវូដ​​ Angelina Jolie បាន​ប្រាប់​ទៅ​ Angelina ថា​ ចង់​និយាយ​ជាមួយ​កូន​របស់​នាង។ ត្បិត​តែ​មាន​រឿង​នេះ​ក្ដី​ Angelina នៅ​តែ​អត់​ធ្មត់​មិន​ខ្វល់​​​ ព្រោះ​គ្រួសារ​កំពុង​ជួប​រឿង​ប្រេះឆា និង​បារម្ភ​​ជួប​បញ្ហា​ផ្ទាល់​ខ្លួន​ពេល​ឲ្យ  Zaharaជួប​ម្ដាយ​បង្កើត។

៤.

ក្ដៅ​!​នេះ​ឯង រឿង​មិនទៅ​ណា​ឆ្ងាយ​។ សារព័ត៌មាន​អង់គ្លេស The Sun បាន​ចុះផ្សាយ​ថា បុរស​កម្ពុជា​ម្នាក់​ ​ឈ្មោះ​ថា  ម៉ោញ សារ៉ាត់ ​ជា​បុគ្គលិក​នៅ​អង្គការ​មួយ​កន្លែង​ក្នុង​ប្រទេស​កម្ពុជា​​អះអាង​​ខ្លួន​ជា​​ឪពុក​បង្កើត​របស់ Maddox ។ ក្រោយ​ផ្ទុះ​រឿង​នេះ​លោក សារ៉ាត់​បាន​និយាយ​បក​ស្រាយ​​ជាមួយ​វិទ្យុ​បារាំង  RFI ថា​ លោក​ ​លោក​​មិន​មែន​ជា​ឪពុក​របស់​ Maddox ឡើយ ហើយ​ក៏​មិន​បាន​ទាម​ទារ​សិទ្ធិចិញ្ចឹម​កូន​អ្វី​ដែរ។ ចំពោះ​ The Sunបាន​ប្រភព​ពី​ណា​ក៏​​លោក​មិន​ដឹង។ Angelina នៅ​តែ​បន្ត​ការ​សង្កត់​ចិត្ត​​មិន​តបត ព្រោះ​មិនមែន​ជា​រៀង​លើក​ទី​១។

ចំណុច​ចាប់​អារម្មណ៍​៖ រឿង​ទី​​២​និង​ទី​៤​ស្រដៀង​គ្នា ព្រោះ​ការ​ដែល​ម្ដាយ​របស់ Pax Thien ចង់​សុំ​កូន​វិញ និង​លោក ម៉ោញ សារ៉ាត់អះអាង​ជា​ឪពុក​របស់ Maddox​សុទ្ធ​សឹង​តែ​ប្រភព​ចេញ​ពី​សារព័ត៌មាន​ ខណៈ​ប្រភព​មិន​ដឹង​ខ្លួន។ យ៉ាងណា Angelina Jolie ក៏មាន​រឿង​សប្បាយ​ចិត្ត​មួយ ព្រោះ​បាន​ផលិត​រឿង "មុន​ដំបូង​ខ្មែរ​ក្រហម​សម្លាប់​ប៉ា​របស់​ខ្ញុំ​" ជោគជ័យ ធ្វើ​ឲ្យ​ប្រជាជន​ខ្មែរ​ទន្ទឹង​ចាំ​ទស្សនា​គ្រប់គ្នា៕