ក្រសួងប្រៃសណីយ៍ចេញមុខបដិសេធ ការបញ្ឈប់គម្រោងប្តូរលុយក្រុមហ៊ុនទូរសព្ទ
ក្រសួងប្រៃសណីយ៍និងទូរគមនាគមន៍បានចេញមកឆ្លើយតបថា ក្រសួងពុំបានបញ្ជាឲ្យក្រុមហ៊ុនទូរសព្ទបញ្ឈប់ "គម្រោងប្តូរលុយ" ដូចបណ្ដាញសារព័ត៌មានមួយចំនួនបានចុះផ្សាយនោះទេ។ នេះបើយោងតាមការផ្សាយរបស់វិទ្យុវាយោ FM ដែលបានសម្ភាសន៍អ្នកនាំពាក្យនិយតករទូរគមនាគមន៍កម្ពុជានៅរសៀលនេះ បន្ទាប់ពីមានព័ត៌មានចុះផ្សាយថាក្រសួងបានកំណត់ពេលឲ្យក្រុមហ៊ុនទូរសព្ទទាំងអស់បញ្ឈប់គម្រោងប្តូរលុយត្រឹមចុងខែមីនា ដែលនាំឲ្យមានការមិនសប្បាយចិត្តពីអ្នកប្រើប្រាស់ជាច្រើន។
លោក អឹម វុត្ថា អ្នកនាំពាក្យនិយតករទូរគមនាគមន៍កម្ពុជាឆ្លើយតបការចោទប្រកាន់នេះ ដោយលោកបានបញ្ជាក់ថា ក្រសួងគ្រាន់តែជាអ្នកសម្របសម្រួលប៉ុណ្ណោះ មិនមានបំណងចង់ជ្រៀតជ្រែកក្នុងទីផ្សារសេរីនោះទេ។
លោកបានលើកឡើងពីក្រុមហ៊ុនទូរសព្ទចំនួន ២ បានស្នើមកក្រសួងដើម្បីស្វែងរកដំណោះស្រាយ បន្ទាប់ពីមានក្រុមហ៊ុនមួយចំនួនបានបង្កើតកម្មវិធីថែមលុយ ដែលនាំឲ្យប៉ះពាល់ដល់ទីផ្សារប្រកួតប្រជែង។
លោកបញ្ជាក់ថា ដើម្បីកុំឲ្យជម្លោះរីករាលដាល ក្រសួងបានបេីកកិច្ចប្រជុំរកដំណោះស្រាយឲ្យក្រុមហ៊ុនទាំងអស់ស្វែងរកការឯកភាពគ្នា ដោយប្រកាន់គោលការណ៍ប្រកួតប្រជែងដោយស្មោះត្រង់ ដើម្បីធានាប្រយោជន៍ក្រុមហ៊ុននិងអ្នកប្រើប្រាស់៕
ក្រសួងប្រៃសណីយ៍ចេញមុខបដិសេធ ការបញ្ឈប់គម្រោងប្តូរលុយក្រុមហ៊ុនទូរសព្ទ
Reviewed by Unknown
on
7:09 PM
Rating:
Reviewed by Unknown
on
7:09 PM
Rating:
No comments: