គិត​ឲ្យ​ច្បាស់​មុន​គិត​ប្រើ Windows 32-bit ឬ Windows 64-bit

32-bit និង​ 64-bit ជា​ធាតុបង្កើត​ប្រព័ន្ធ​កុំព្យូទ័រ​មួយ ដែល​ផ្ដោត​សំខាន់​ទៅ​លើ​ល្បឿន​បញ្ជូន​ទិន្នន័យ។ និយាយ​ដល់ 32-64 bit ត្រូវ​គិត​ទៅ​លើ​ប្រព័ន្ធ​កុំព្យូទ័រ​ដែល​ត្រូវ​មាន ៣ ផ្នែក​សំខាន់​គឺ៖ ១. Hardware ២. ប្រព័ន្ធ​ប្រតិបត្តិការ (OS) និង​ទី៣ គឺ​កម្មវិធី​ (Application)។ កំណែ 64-bit របស់ Windows អាច​គ្រប់គ្រង​ដំណើរ​ការ​ម៉ាស៊ីន​កុំព្យូទ័រ​ដែល​មាន​អង្គ​ចងចាំ (RAM) ទំហំ ​4 GB ឬ​ធំ​ជាង​នេះ​បាន​យ៉ាង​ល្អ។ ចំណែក​កំណែ 32-bit គឺ​អាច​គ្រប់គ្រង​ដំណើរ​ការ​ម៉ាស៊ីន​កុំព្យូទ័រ​ដែល​មាន RAM ត្រឹម 1 ទៅ 3 GB តែ​ប៉ុណ្ណោះ។ តើ Windows 32-bit ឬ 64-bit មួយ​ណា​ដែល​ត្រូវ​នឹង​​តម្រូវ​ការ​របស់​អ្នក? ខាង​ក្រោម​នេះ​ជា​ការ​បកស្រាយ​ខ្លះ​ៗ៖ Windows 64-bit - ប្រសិន​បើ​​អ្នក​ប្រើប្រាស់​អង្គ​ចងចាំ​ដែល​មាន​ទំហំ​ធំ​ជាង​ 4 GB គួរ​តែ​ប្រើ Windows 64-bit។ ប៉ុន្តែ​ក៏​ត្រូវ​​មើល​ទៅ​លើ​កម្មវិធី​ដែល​អ្នក​ប្រើប្រាស់​រាល់​ថ្ងៃ​ តើ​អាច​ដំណើរការ​លើ​ Windows 64-bit​បាន​ឬ​អត់។ - កម្មវិធី​ថ្មី​ៗ​ និង ឧបករណ៍​ផ្នែក​រឹង (Hardware) មួយ​ចំនួន​គឺ​ប្រើ​ Windows 64-bit។ Windows 32-bit - Windows 32-bit មាន​តម្លៃ​ថោក​ជាង​ Windows 64-bit ប្រសិន​បើ​ប្រើប្រាស់​កម្មវិធី​ និងឧបករណ៍​ផ្នែក​រឹង (Hardware) ជំនាន់​ចាស់ៗ​អ្នក​គួរ​តែ​ប្រើ​ Windows 32-bit ដើម្បី​ឆែក​មើល​ថា​អ្នក​ប្រើ​Windows 32-bit ឬ 64-bitសូម​ធ្វើ​តាម​ការ​ណែនាំ​ដូច​ខាង​ក្រោម៖ - ចុច​លើ​ Mouse ខាង​ស្ដាំ​ត្រង់ This PC សម្រាប់ Windows 10 (Computer សម្រាប់ Windows 7) - ចុច​លើ​ពាក្យ Properties - រង់​ចាំ​បន្តិច​នឹង​លោត​ផ្ទាំង​មួយ​បង្ហាញ​ពី​ព័ត៌មាន​​ម៉ាស៊ីន​កុំព្យូទ័រ​របស់​អ្នក - ត្រង់​ពាក្យ​ថា System type: ជា​កន្លែង​បង្ហាញ​ថា​ Windows អ្នក​32-bit ឬ​ 64-bit។ ចំណាំ៖ កម្មវិធី​ដែល​បង្កើត​ឡើង​សម្រាប់ 32-bit ក៏​អាច​ប្រើប្រាស់​បាន​នៅ​លើ​ 64-bit បាន​ដែរ លើក​លែង​តែ​កម្មវិធី​កម្ចាត់​មេរោគ​មួយ​ចំនួន​តែ​ប៉ុណ្ណោះ។ ប៉ុន្តែ​កម្មវិធី​ដែល​បង្កើត​ឡើង​សម្រាប់ 64-bit មិន​ដំណើរការ​ទេ​នៅ​លើ​ 32-bit។ បន្ទាប់​ពី​អាន​នៅ​​ការ​បកស្រាយ​ខ្លះ​ៗ​តើ​ប្រិយមិត្ត​គួរ​ប្រើ​Windows 32-bitឬ 64-bit?ប្រាប់​ពួក​យើង​ពី​បទពិសោធន៍​នៃ​ការ​ប្រើ​ប្រាស់​របស់​អ្នក​នៅ​មតិ​យោបល់​ខាងក្រោម។ ប្រភព៖ http://news.sabay.com.kh/article/924096#utm_campaign=onpage