អាមេរិក​ ​សង្ស័យ​ជា​អ្នក​ ​Hack​ ​បំផ្ទុះ​មីស៊ីល​កូរ៉េ​ខាង​ជើង

ភាព​អាម៉ាស់​មួយ​របស់​កូរ៉េ​ខាង​ជើង​កាល​ពី​ប៉ុន្មាន​ថ្ងៃ​មុន​បាន​កើត​ឡើង​ក្រោយ​មីស៊ីល​រយៈ​ចម្ងាយ​ឆ្ងាយ​របស់​ខ្លួន​ផ្ទុះ​ពេល​ហោះ​បាន​បន្តិច​ ​ខណៈ​គេ​ជឿ​ថា​អាមេរិក​ជា​អ្នក​ ​Hack​ ​ចូល​បំផ្លាញ​គ្រាប់​មីស៊ីល​នោះ។

យោង​តាម​បទ​សម្ភាសន៍​ពី​មន្ត្រី​ជាន់​ខ្ពស់​នៃ​មូលដ្ឋាន​ទ័ព​អាកាស​អាមេរិក​ប្រចាំ​កូរ៉េ​ខាង​ត្បូង​ ​Osan Air Base​ ​ ដែល​មាន​​ចម្ងាយ​ប្រមាណ​ជាង​ ​៧០​ ​គីឡូម៉ែត្រ​ពី​កូរ៉េ​ខាង​ជើង​បាន​ឲ្យ​ដឹង​ថា​ ​ទី​នេះ​ជា​គោល​ដៅ​មុន​គេ​ដែល​កូរ៉េ​ខាង​ជើង​នឹង​វាយ​ប្រហារ​ ​ប៉ុន្តែ​ពួក​គេ​មាន​សមត្ថភាព​គ្រប់​គ្រាន់​ក្នុង​ការ​ការពារ​ ​និង​វាយ​បក។
Osan Air Base​ ​ដាក់​ឲ្យ​យន្តហោះ​ចម្បាំង​ប្រភេទ​ ​F-16​ ​ឆ្វែល​ប្រចាំ​ការ​ ​២៤​ ​ម៉ោង​ ​ហើយ​ប្រព័ន្ធ​ចាប់​គ្រាប់​មីស៊ីល​ជា​ច្រើន​គ្រឿង​ក៏​បំពាក់​រួច​រាល់។ កាន់​តែ​ពិសេស​ ​Osan Air Base​ ​មាន​ក្រុម​អ្នក​ជំនាញ​កុំព្យូទ័រ​ដើម្បី​តាម​ដាន​ផ្កាយ​រណប​ ​២៤​ ​ម៉ោង​ ​ដើម្បី​អាច​ដឹង​ភ្លាម​ៗ​នៃ​ការ​បាញ់​មីស៊ីល​របស់​កូរ៉េ​ជើង​ ​ហើយ​ក្រុម​នេះ​ក៏​ត្រូវ​គេ​ជឿ​ថា​ជា​អ្នក​ ​Hack​ ​ចូល​ទៅ​បំផ្ទុះ​មីស៊ីល​កូរ៉េ​ខាង​ជើង​ផង​ដែរ៕