តែ​ងជា​ទេវតា​ឆ្នាំ​ថ្មី Kimberly រងការ​​រិះគន់​ថា​មិន​សម​ព្រោះ​​មុខ​ដូច​ភេទ​ទី​៣

តារា​សម្ដែង​ថៃ  Kimberly Ann Voltemas​ ត្រូវ​បាន​គេ​ជ្រើសរើស​ធ្វើ​ជា​​ ព្រះ​នាង​កិមិរា​ទេវី សម្រាប់​សង្ក្រាន្ត​ឆ្នាំ​ថ្មី​នេះ​ក្នុង​ប្រទេស​ថៃ។ តារា​វ័យ​២៥​ឆ្នាំ​នេះ​​បាន​បង្ហាញ​វត្តមាន​​បើក​កម្មវិធី​សង្ក្រាន្ត​ឆ្នាំ​ថ្មី​ដែល​មាន​ឈ្មោះ​ថា Amazing Songkran 2017 ដែល​រៀបចំ​ឡើង​កាល​ពី​​ថ្ងៃ​ទី ៨ ខែ មេសា សប្ដាហ៍​មុន ដោយ​មាន​ការ​ហែហម​លើ​ផ្លូវ Sukhumvit Road ទីក្រុង​បាងកក។

 បន្ទាប់​ពី​រូបភាព​តែ​​ងខ្លួន​ជាង​ទេវតា​ឆ្នាំ​ថ្មី​ជា​ច្រើន​ស្លឹក​របស់ Kimberly ត្រូវ​បាន​ចែកចាយ​លើ​​សារព័ត៌មាន​និង​បណ្ដាញ​សង្គម​ អ្នក​លេង​អ៊ីនធឺណិត​​នៅ​ស្រុក​ថៃ​បាន​បង្ហាញ​មតិ​មិន​ចេញ​ចិត្ត​ថា  Kim មិន​សម​ស្លៀក​​ឈុត​នេះ​ឡើយ​។ មូលហេតុ​ពួក​គេ​លើក​ដូច្នេះ​ព្រោះ​  Kimberly ជា​កូន​​កាត់​ ថែម​ទាំង​មាន​រាង​ធាត់​និង​មុខ​ដូច​មនុស្ស​ភេទ​ទី​៣។ មិត្ត​ស្រី​របស់ Prin Suparat ​រូប​នេះ​ទទួល​តំណែង​ជាង​ជា​ទេវតា​ឆ្នាំ​ថ្មី បន្ត​វេន​ពី​តារា​សម្ដែង​ Khemanit Jamikorn  (Pancake) ដែល​តែង​ជា​ព្រះនាង​មណ្ឌា​ទេវី​ ​កាល​ពី​ឆ្នាំ​មុន៕​​​​​​​​​